MIKABAT sa 141 ka baka, kabaw, ug kanding sa lungsod sa Binuangan, Misamis Oriental, ang gipaubos sa deworming sa Provincial Veterinary Office (PVet) niadtong Hunyo 23, 2020. Kini, aron mahimong himsog ang maong mga binuhing mananap batok sa nagkadaiyang sakit.
Gipangulohan ni PVet head Dr. Benjamin Resma ang maong kalihukan sa tumong nga malayo sa bacteria ang mananap nga maoy isa sa gisaligan sa panginabuhi sa katawhan sa lugar, isip kabahin sa kamanduan ni Gov. Bambi Emano aron magpabiling lig-on ang industriya sa hog-raising sa probinsiya.
Malipayon uyamot ang mga tag-iya sa binuhing mananap hilabina sa paningkamot sa PVet nga dili gayud mahitumpawak sa kadaut ug perwisyo ang ilang panginabuhian.