NANUMPA ang mga bag-ong napili nga Sangguniang Kabataan officials sa dakbayan sa Cagayan de Oro ubos sa partido Padayon Pilipino ngadto kang Gobernador Bambi Emano niadtong adlaw nga Lunes, Mayo 28, 2018 nga gipahigayon sa capitol grounds, dakbayan sa Cagayan de Oro.

Mukabat sa kwarentay kwatro (44) ka mga SK chairmen ug siento otsenta (180) ka mga SK kawagad ang mitapon sa partido Padayon Pilipino. Kini nag pamatuod nga walay paglubad ang pagsalig sa pagpangalagad sa mao nga partido ilawom sa pagdumala ni kanhi Mayor Dongkoy Emano.

“Great power comes with great responsibility.” mao kini ang gitaho ni Gobernador Bambi ngadto sa mga kabatanonan nga dako ang ilang tahas sa pagpalambo sa atong kumonidad, ug dugang pa sa gobernador adunay muabot nga dakong hagit ilabi na kung hisgutan ang korapsyon, dapat ipatigbabaw ang prinsipyo ug baruganan aron mulambo ug padayon ang atong dakbayan ug lalawigan.

Gitambongan kini mismo sa amahan sa partido Padayon Pilipino Mayor Dongkoy Emano, apil usab ang mga kasamtangan ug kanhi nga opisyales sa dakbayan sa Cagayan de Oro ubos sa partido Padayon Pilipino mao si Councilor Nadya Emano-Elipe, Councilor Lordan Suan, Councilor Yan Lam Lim, Councilor Leon Gan kanhi councilors Candy Darimbang, Dante Pajo ug Alex Dacer.