Nobyembre 22, 2019, gisaulog sa libohan ka mga lolo ug lola gikan sa nagkalain-laing dapit sa tibuok lalawigan sa Misamis Oriental ang 25’th Senior Citizens Annual Celebration.
Daku ang pagtahod ug pagyukbo ni Gobernador Bambi Emano sa tanang senior citizens kay sila ang labing saksi ug dakung kaabag sa mga kabag-ohang naugmad sa milabayng katuigan dinhi sa lalawigan.
Uban sa tanang raffle prizes nga gipanghatag ang dakung pagpasalamat sa Gobernador sa tanang lolo ug lola sa ilang makanunayong paningkamot nga takos lamang matratar sama ani nga selebrasyon.

Niini nga kalihukan pinanguluhan sa Provincial Social Welfare Development Office (PSWDO), nakigduyog usab ang mga MisOr Provincial Board Members, mga ulo sa departamento (MODHA), ug ang DSWD-10.

Padayon pa gihapon ang kalihukan karong higayona dinhi sa hawahan sa Kapitolyo Probinsyal duyog sa mga presentasyon sama sa sayaw ug kanta, ug ang pagpanghatag sa ubay-ubay nga mga raffle prizes.