NANUMPA atubangan ni Gobernador Bambi Emano ang 320 ka mga opisyales sa probinsya sa lalawigan sa Camiguin ang hugpong sa Sulong Ang Pagunlad (SAP) Movement atol sa Mass Oath taking and Launching Ceremony isip regional Chairman sa SAP Movement, kini gipahigayon niadtong adlaw nga Domingo, Oktobre 21, 2018 sa Barangay Bonbon, Catarman, lalawigan sa Camiguin.

Kini nagpamatuod nga hugot ang pagsuporta ug pakighalambigit sa katawhan sa lalawigan sa Camiguin nga dul-an libo ka mga miyembro sa SAP Movement ang mitambong sa dakung kalihukan.

Tumong nii nga Non-Govenrment Organization nga masuportahan ang adbokasiya ni Special Assitant to the president SAP Bong Go nga mahatagan ug kalambuan ang matag katawhan hilabi na sa pulo sa Mindanao pinaagi sa pagsuporta ngadto sa mga gagmay nga negosyante, pagtunol ug dekalidad sa serbiyso sa maayong pangalawas, ug labaw sa tanan ang pagsugpo sa kriminalidad ug korapsyon sa nasud.

Kini ang tipik nga programa sa maong hugpong nga gipalawig usab sa amahan sa lalawigan sa Misamis Oriental nga si Gob. Bambi Emano nga pinaagi sa paghatag ug livelihood programs sa mga nagkadaiyang sektor sa mga maumu-o, ug pagminitar sa kahusay ug kalinaw sa lalawigan daku kini nga kalambuan kung hisgutan ang ekonomiya.

Gitambungan mismo ni Gobernador Bambi Emano uban ang mga opsiyales gikan sa kaulohan ug lokal sa hugpong sa SAP Movement mao sila si Usec. Mary Mitzi Cajayon-Uy, National Chairwoman, Executive Director V of the Council for the Welfare of Children, Hon. Christopher G. Rodriguez, Provincial Chairman, Brgy. Chairman, Bonbon, Catarman, Camiguin, Mr. Adriano Ebcas, Provincial Vice-Chairman ug uban pa.