Kasamtangang gisaulog sa lalawigan sa Misamis Oriental ang ika-32 ka tuig nga sumad sa Prison Awareness Week, kon ang semana sa mga binilanggo dinhi sa Pilipinas sugod Oktubre 28 padulong Nobyembre 3, 2019. Karon pa lang, excited na ang tanan!
Ang maong kasaulogan, adunay temang: “Lord, Thank you for being Merciful to me, a Sinner” ug hugot nga gisuportahan ni Gobernador Bambi Emano.
Matud usab ni Provincial Warden Dominador Tagarda, kini nga kalihukan alang sa pag ila sa dignidad ug tawhanon nga katungod sa tanang binilanggo.
Nakahan-ay sa usa ka semana nga kasaulogan ang santos nga misa ug opening program sulod sa MOPJ.
Sa ikaduhang adlaw, adunay ipahigayon nga religious concert ug Mr. Gay; Konsiyerto sa Piniriso sa ikatulong adlaw; Basketball ug Volleyball tournament sa ikaupat nga adlaw, duyogan pa gayud sa Legal Forum; ug sa ikalimang adlaw, magkahibal-anay na kung kinsa ang pinakagahi sa sports nga Boxing kung diin mokabat sa 25 ka paresan sa mga inmates sa MOPJ ang mosalmot niini sa ilang Bakbakan sa Prisohan.
Ug sa adlaw’ng Domingo, ipahigayon na dayon ang relihiyosong panagtapok sa mga binilanggo.