GISIGURO ni Governor Bambi Emano nga makapauli nga luwas ngadto sa ilang nahinangop nga tagsa-tagsa ka pamilya ang mga Returning Overseas Filipino (ROF) ug mga Locally Stranded Individual (LSI) nga taga Misamis Oriental.
Dugang ni Gov. Bambi nga dili angayan nga ikwestyon nganong kini sila gidawat dinhi sa lalawigan inay hinoun kini sila angayan nga pagatabangan.
“The Local Government Unit had been steadfast strong in protecting the residents of Misamis Oriental but we couldn’t also deny the entry to locally stranded individual which we called LSI and Returning OFWs because this our brothers and sisters,” matud ni Gov. Bambi.
Ang Misamis Oriental sa kasamtangan nagtala na og kaso sa Corona Virus Disease (Covid 19) nga pulos imported o ROF ug LSI apan dili kini babag sa gobernador nga dili sila pagadawaton sa lalawigan gumikan iyang nasabtan ang ilang kahasol nga nasinatian gikan pa pagpauli lakip na ang labihan nga kamingaw sa ilang tagsa tagsa ka pamilya.
“Kung imong madunggan ang storya gikan sa gawas dugay kaayo wala makita ilang pamilya naningkamot makatrabaho ug makakaon, makapaeskwela sa ilang mga anak pag-abot sa Manila tag tulo ka bulan intawon sila nga gi-isolate pag uli gi-isolate napod intawon and this are pains of an OFW who earns dollars for us actually for our economy unya louy intawon kaayo sila kay sila pa ang naapektuhan ug naigo,” matud ni Gov. Bambi ug nasabtan ang pipila ka katawhan nga sayon moingon nga dili dawaton ug di papaulion apan kung taga Misamis Oriental nakamarka na sa pamunoang Emano nga Kung taga MisOr Ka, Secure ka.
“Sa Misamis Oriental atong obligasyon ang pagdawat sa ila ug obligasyon kung unsaon nga ato silang matabangan.” dugang ni Governor Bambi.