Nahimong makasaysayanon ang pagpanumpa sa pangatungdanan sa tanang bag-ong napiling opisyales sa Provincial Agricultural and Fisheries Council (PAFC) Misamis Oriental Chapter, atol sa pagpakayab sa nasudnong bandila sa kapitolyo, Oktubre 14, 2019; tungod kay si Gobernador Bambi Emano gayud ang nahimong tigpanumpa nila ni Mr. Mario Jamis, isip chairperson; Jose Apollo Pacamalan, Co-Chairperson; Lourdes Abad, Vice Chairperson; Marivic Tagupa, Secretary; Engr. Edgar Buhian, Treasurer; Rosauro Suazo, Auditor; Roque Valorza ug Nora de Gracia, isip mga public relations officer.
Usa gayud sa gitutukan ni Gobernador Bambi Emano ang sektor sa pangisda ug pang-uma dinhi sa Misamis Oriental, kung diin nagtuo kini nga kung walay mag-uuma ug mangingisda, walay makaon ang tanan, kabus man o adunahan.
Ug alang sa Gobernador, ang Provincial Agriculture and Fisheries Council gikinahanglan aron mas mohagkap ang atubangong suliran niadtong nalambigit niini nga industriya.