MILINGKOD na isip ex-officio Board Member sa Sangguniang Panlalawigan si Sugbongcogon Councilor Atty. Michele N. Anayron sugod Agosto 27, 2019, atol sa ika-8 nga regular session sa Provincial Board.

Gihulipan ni Board Member Anayron si outgoing Board Member ug Libertad Councilor Lilian U. Gallogo, kinsa maoy nahimong lig-ong kaatbang sa piliay sa pagka-presidente sa Philippine Councilors League (PCL) Misamis Oriental niadtong Agosto 20, 2019.

Nakakuha sa 82 botos lamang si Konsehal Gallogo, samtang mihakot sa makalilisang nga 171 botos si Konsehal Atty. Anayron.

Ania ang kompletong listahan sa bag-ong napiling set of officers sa PCL-MisOr ug ilang mga score:
President: HON. MICHELE N. ANAYRON, SUGBONGCOGON – 171 votes versus HON. LILIAN GALLOGO, LIBERTAD – 82 votes; V-Pres.: HON. MERCY GRACE J. ACAIN, INITAO – 160 Votes versus HON. AUDE J. PADUGANAN, TAGOLOAN – 71 Votes; Secretary General: HON. SHARON M. BALIANGAN, LIBERTAD–162 votes versus HON. DIOFRIX PABELLAN, KINOGUITAN – 71 votes; Treasurer: HON. ALVIN A. EDADES, BALINGASAG – 170 votes HON. ROSEMARIE G. LUSTERIO, BINUANGAN – 70 votes; Auditor: HON. JOHANNES SALCEDO, JASAAN – 162 votes versus HON. SONIA J. CHANG, ALUBIJID – 69 votes; PRO: HON. JAY FRANCES D. BAGO, OPOL – 158 votes versus HON. PRINCESS KIMBERLY UBAY-UBAY, ALUBIJID – 74 votes; ug BUSINESS MANAGER: HON. ROGER ACHAS, TAGOLOAN – 142 votes versus HON. LIGAYA AGANAP, BALINGASAG – 77 votes.

Sa iyang inaugural speech, si Board Member Anayron, kinsa baguhan pa lang sa politika, nagkanayon nga andam kini sa bag-ong hagit sa iyang pagpangatungdanan sa katawhan isip public servant. Malaumon pa kini sa hugot nga suporta kaniya sa iyang mga kaubang magbabalaud, hilabina sa baruganan nga unahon gayud ang gugma ug pagbati sa katawhan ug magpasulabi ang interes sa kinabag-an.

Alang kang Gobernador Bambi Emano, sa pagpungko ni Board Member Anayron, mas molig-on pa karon ang pwersa sa Sangguniang Panlalawigan, hilabina kon hisgotan ang pagpalabang sa balaudnon nga makahatag gayud og kaarangan sa tanan hilabina madugangan og usa pa ka abogado ang Provincial Board.