GIBIDA sa Provincial Barangay Infrastructure Projects (BIP) Team ubos sa pagdumala ni Asst. Provincial Engineer Head Engr. Tessie Gales ang kalampusan sa mga barangay empowerment program sa administrasyon ni Governor Bambi Emano.

Niadtong Agusto 12, 2020 adlaw nga Miyerkules nagpahigayon sa monitoring ug site inspection si Engr. Gales kauban ang iyang team ngadto sa upat ka barangay.

Kini mao ang mga Barangay sa Garcia sa lungosd sa Gitagum, Barangay Tu-od og Paniangan sa Manticao, ug Brgy. Luyong Bonbon sa lungsod sa Opol.

Kini nga mga proyekto gilangkoban sa water system, road concreting, road gravelling ug installation sa culverts, dalan, barangay hall, stage og uban pa.

Nasaksihan sa team nga dugay na kining napahimuslan sa mga katawhang lumulupyo sa nasangpit nga mga barangay og 100 percent functional na kini nga mga proyekto.

Ang programang Barangay Empowerment dako kaayo og tabang sa kabarangayan gumikan kay ang mga kapitanes maoy ipabout ni Governor Bambi sa unsay plano ug proyekto nga bout nilang matukod sa barangay kay sila maoy mas nasayod sa unsay kakulangon sa ilang lugar ug tahas sa gobernador mao lamang ang pagbubo og pundo hatag kanila aron mahatagan katumanan ug magmalampuson ang ilang mga plano.