MAPASALAMATON si reigning Miss Cagayan de Oro 2019 Cindy Obenita ngadto kang Gobernador Bambi Emano ug sa katawhan sa Misamis Oriental alang sa supportang gihatag kaniya sa iyang laraw sa Bb. Pilipinas 2020 kung diin bitbit niini ang pangalan sa Misamis Oriental ug Cagayan de Oro.

Dili sayon ang bag-ong hagit sa dalaga ngadto sa national stage, hilabina dili tiaw ang preparasyon nga buhaton niini aron masiguro ang kalamposan sa pagsungkit sa korona sa nasangpit nga pageant. Unang higayon ni Cindy nga mosabak sa national pageantry kung diin dili sayon nga labwan ang abilidad ug kaanyag sa mga contingent gikan sa nagkalain-laing lugar dinhi sa Pilipinas.

Ang Bb. Pilpinas 2020 coronation mahitabo sa Abril 26, 2020, sa Smart Araneta Coliseum. Karon pa lang, walay bisan gamay’ng kompiyansa si Cindy Obenita, aron masiguro nga mabitbit niini ang kadungganan sa katawhan sa Misamis Oriental ug Cagayan de Oro.