Mamahimo ng magamit ang duha ka Coaster Bus nga gikan sa kapitolyo probinsyal sa mga Doctors ug Nurses nga nagtrabaho sa Northern Mindanao Medical Center human miabot kang Gobernador Bambi Emano ang balita nga adunay pipila ka mga pampublikong sakyanan ang mibalibad pagpasakay sa mga naka-unipormeng trabahante sa NMMC, gimando dayon niya ang pagpagamit sa coaster bus ngadto kanila. Gihimo kini sa gobernador aron dili maglisod ang mga medical staff sa ilang pagpauli sa tagsa tagsa nila ka mga lugar. Hinuon nasabtan ni gobernador bambi emano ang katuyuan sa mga drivers nga paglikay nga sila mataptan sa corona virus disease, Gipasabot sa amahan sa lalawigan mas mibati siya sa Nurses ug mga Doctors tungod kay usa kini ka discriminasyon sa ila hilabina nga gisakripisyo niini ang ilang kaluwasan aron lang muluwas ang ubang kinabuhi. Nasayran nga ang maong coaster bus mamahimo sab nga magamit sa Laguindingan airport. Nanghinaut ang Gobernador nga unta wagtangon ang discriminasyon sa mga doctors ug nurses inay magtinabangay ug magsinabtanay aron daling mapugngan ang pagkuyanap sa maong sakit.