USA lang ang 58 Infantry Battalion (58IB) sa Claveria, Misamis Oriental, sa nagkalainlaing asosasyon, grupo og local government unit (LGU) nga nakadawat sa similya sa lubi sa miaging semana gikan sa Provincial Agriculture Office (PAGRO), hain laing benepisyaryo na usab ang ilang gitunolan sa susamang binhi ning bag’ohay lang.
Si Mr. Leopoldo M. Regis, ang presidenti sa Lunao farmers, nagkanayon sa walay langan gitubag sa PAGRO ang ilang hangyo aron mapalambo ang industriya sa lubi sa ilang dapit pinaagi sa pakigtambayayong gihapon sa 58IB.
Pinaagi sa community support program sa 58IB, kung diin katambayayong usab ang Philippine Coconut Authority (PCA), daling nasampit ang tabang sa PAGRO, ang buhatan sa kapitolyo nga hugot gimanduan ni Gov. Bambi Emano nga atimanon gayud ang mag-uuma hilabina ning panahon sa krisis nga hatud sa hulga sa coronavirus disease 2019.
Adunay 2150 ka mga similya sa lubi ang nadawat sa 58IB hain upat ka mga assosasyon ang benepisyaryo niini mao ang alagatan womens Association (295), Binakalan Farmers Association (50), United Alagatan Farmers Association (940), Kipuntos Farmers Association (1,060).