HUMAN nga adunay gipagawas nga Temporary Restraining Order (TRO) ang Branch 24 sa Regional Trial Court aron pagpugong sa implementasyon sa Budget Ordinance sulod sa 20 ka adlaw.
Nasayran nga ang huwes nga nagpakanaog niini ang nag-inhibit ug tungod niini, isip pagsunod sa balaod nagpahigayon ug re-raffling ang RTC Branch-10 alang sa pagsuta sa bag-ong huwes nga mugunit sa maong kaso.
Adlawng Lunes, Hulyo 6, na-raffle sa sala ni Judge Maritess Rana-Bernales sa RTC X Branch 39 ang maong kaso.
Gibutyag ni Atty. Neil Pacana, Provincial Legal Officer nga gipahibalo gilayon sila human na-raffle kini mga alas 2:00 sa hapon.
“Under the rules, we were informed immediately right after the raffling at 2 pm,” matud ni Pacana.
Una na nga nga gihisgutan ni Atty. Pacana atol sa press conference niadtong Hulyo 4, 2020 nga sa labing daling panahon bout nilang mahibaloan ang bag-ong huwes nga mudungog sa kaso aron ang ilang gipreparar nga extreme urgent motion sa pagpalibkas sa TRO ang mapasaka gilayon.
“We already filed the extreme urgent motion to hear our side nga kung mahimo to hear sa court for us to explain why the TRO should be dropped,” dugang niini ug nipasabot sa rason sa ilang dinalian nga pag file sa extreme urgent motion.
“The province will be hostage for 20 days, dili na nato ipaabot sa July 16 ug dili na nato ipa-extend nga ma injunct. We have to fight, it should have to be held before July 16. Ug maghulat ta ug 20 days, daghan pa maangin,” matud ni Atty. Pacana.
Dugang sa legal officer sa kapitolyo probinsyal nga wala pay petsa alang sa urgent hearing gumikan dili bout nilang dali-dalion ang korte.
“We are not pressuring the court, we are just asking for their empathy to please hear us. Ang atong posisyon is through and through, wala’y bias.” Matud niini.
Nasayod sab si Atty. Pacana nga ang mga huwes adunay kaugalingon nga panan-aw sa kaso.
Sa pangutana unsa ang hangyo niini ngadto kang Judge Bernales nga maoy gitakdang modungog sa kaso.
“Judge, please hear us. Committed na man ta nga for 20 days dili ta kalihok. At least ang ato lang nga hear us kay people are already suffering. Hopefully, from time to time, we will go to court and file necessary motions. Bahalag pila ka motion para lang gyud ta dunggon. We want this to be resolved immediately.” panapos ni Atty. Pacana.