NIINING pagsagop sa new normal nga klase sa pagtoun sa mga tinun-an bout sa kagamhanan sa Kapitolyo Probinsyal ubos sa liderato ni Governor Bambi Emano nga mahatag gihapon ang de kalidad nga pagtoun pinaagi sa suporta ug giya ngadto sa ahensya sa Department of Education (DepEd) sa Misamis Oriental.

Angayan lamang nga magpadayun sa pagtuon ang mga kabataan bisan paman sa problema nga hatod sa Corona Virus Disease (Covid-19).

Nagpabilin ang kadasig ug paglantaw sa mga magtutudlo nga kanunay gilantaw ang kamahinungdanon sa Edukasyon sa bisan unsa man ang hagit sa panahon.Usa ka magtutudlo nga si Nelda Orpella gikan sa Misamis Oriental General Comprehensive High School (MOGCHS) niingon nga nasayod siya sa kalisod nga gibati sa mga ginikanan hinungdan adunay pipila gaduha-duha sa pag enroll sa ilang mga anak sa pagbukas sa klase karong tuiga.

Apan nadasig ang mga ginikanan ug nahimong positibo ang panglantaw pinaagi sa pagpaningkamot sa mga magtutudlo dinhi sa probinsya nga mapasabot og insakto ang modular learning modality.Dugang niini nga ang dekalidad nga Edukasyon usa ka collaborative effort sa ginikanan ug magtutudlo ug kung ugali man nga maglisod ang ginikanan sa pagpasabot sa ilang mga anak, mamahimo nilang e-contact pinaagi sa pag text o pagtawag ang maestra niini sa bisan unsang oras.

Gisiguro sab ni Governor Bambi nga mahatag kutob sa iyang mahimo ang suporta alang sa Edukasyon kay alang niini kung anaa lamang ang insaktong kolaborasyon ug kooperasyon gikan sa mga tinun-an, mga ginikanan, magtutudlo, ug local nga kagamhanan matagamtagaman gyud ang dekalidad nga edukasyon dinhi sa lalawigan.