DILI lamang ordinaryo nga molupyo sa Misamis Oriental ug dakbayan sa Cagayan de Oro ang nakasinati sa katarong ug kaligdong sa amahan sa lalawigan, Gobernador Bambi Emano, apan lakip na anaa sa mas taas nga posisyon sa nasudnong ahensiya, nakasulti sa maayong butang ngadto sa gobernador. Gipamatud-an kini ni Department of Education Region 10 Director Dr. Arturo B. Bayocot atol sa silibrasyon sa Teachers Day.

“Without so much discussion, the honorable governor has helped us. Well, I have seen the governor works in this part of the country, when I assumed Regional Director, katong great things na akong nadungog about sa iyaha dili lang great things apan greater things akong nakita,” sulti ni Director Bayocot sa iyang speech niadtong Martes, Oktubre 2, 2019, sa DepEd Regional Office 10 sa Upper Balulang, dakbayan sa Cagayan de Oro.

Dugang pa ni RD Bayocot, dili na malalis ang natunol nga kontribusyon ni Gobernador Bambi sa natad sa edukasyon dili lamang sa Misamis Oriental apan lakip na sa dakbayan sa Cagayan de Oro, kung diin daghan usab nakatagamtam sa mga benepisyo nga hatud sa scholarship programs, pagtukod og school buildings, ug daghan pang uban. Kung mahinumduman, isa sa walo ka haligi nga nagtuko sa programang turismo ni Gobernador Emano ang haligi sa edukasyon, kung diin gihatagan gayud og hibug-aton sa kasamtangang pamunuan sa lalawigan ang paghatag maayong kaugmaon sa kabataan ug kabatan-onan.

Ning kasaulogan sa adlaw sa mga magtutudlo, gipabuhagay ni Gobernador Bambi Emano ang iyang panahom, nga kon wala ang magtutudlo, wala siya karon sa iyang nahimutangan; walay doctor, walay abogado, walay engineer, ug uban pang professional. Busa, isip sumbalik sa iyang utang kabubut-on sa mga magtutudlo, nagdalit sa gamay’ng pahalipay ang gobernador pinaagi sa 3,000 ka t-shirt nga gigahin sa magtutudlo sa tibuok Rehiyon 10.