GIKALIPAY uyamot sa Department of Health – 10 ang mga lakang sa Provincial Task Force for COVID-19 sa Misamis Oriental sa pakigbatok sa coronavirus disease 2019. Kung graduhan kini ni Dr. Jocelyn Torrecampo sa DOH-10, gikan sa 1-10, anaa kini sa 9.
Lakip sa gikalipay ni Dr. Torrecampo ang pagtukod ni Gov. Bambi Emano ug Dr. Jerie Calingasan sa 11 ka komiteba nga gitukod isip preparasyon kon ugaling adunay mahitabong local transmission sa probinsiya.
Ang mga komiteba naglangkob travel and arrival, quarantine and isolation, security, food, transportation and mobilization, recovery and reconstruction, surveillance, information and risk communication, documentation and registration, sanitation and disinfection og management of the dead, nga natukod atol sa panagtapok sa task force niadtong Hunyo 23, 2020 sa Phividec Compound, Tagoloan, Misamis Oriental.
Lakip sa gidayeg ni Dr. Torrecampo ang mayores ug City/Municipal Health Officers sa ilang makanunayong pagtambayayong sa pamunuan ni Gov. Emano ug pagpangulo ni Dr. Calingasan.