NAGKADAKU ug nagkaanindot ang Kuyamis Festival matag tuig, matud sa Department of Tourism Region 10.
Si DOT-10 Regional Director Marie Elaine Unchuan nagkanayon sa milabay nga duha ka tuig, nakit-an ang maayong resulta sa Kuyamis Festival, kung diin nakahatag og dakung kontribusyon sa pagpalambo sa turismo sa Misamis Oriental.
Dakung pasalamat ni Dir. Unchuan ngadto kang Gobernador Bambi Emano ug iyang mga kauban sa ilang hiniusang paningkamot nga maila ang Misamis Oriental dili lamang sa pulo sa Mindanao ug tibuok Pilipinas, apan ngadto na sa tibuok kalibotan.
Sulti pa niini, dili tiaw ang paningkamot sa lokal nga pangagamhanan ubos sa pamunuan ni Gobernador Bambi, alang sa pagpalambo sa turismo nga moay hinungdan padayon karong gibisita sa lalawigan sa nagtaas nga ihap sa turista.
Gikan sa 50,000 niadtong tuig 2017, mikabat ngadto sa 500,000 ka turista ang midagsa sa pantalan ug milanding sa airport aron molaag sa nagkadaiyang tourist destinations sa Misamis Oriental sa tuig 2018.
Matud ni Gobernador Bambi Emano, kung kaniadto pa lang sa milabay nga administrasyon gisugdan na ang pagpalambo sa turismo sa lalawigan, unta karon pa lang, nahimo nang major tourist destination ang Misamis Oriental.