Laing 500 ka food packs ang gihatod sa Provincial Social Welfare and Development Office (PSWDO) ngadto sa lungsod sa Balingasag.

Ang mga gitunol nga food packs alang sa mga frontliners ug sa mga apektado sa corona virus disease (COVID-19) hilabina aduna na usab natala nga kaso sa maong lungsod.

Kahinumduman nga una nang nagtunol ang probinsya ug 700 ka food packs ngadto sa lokal nga kagamhanan sa Balingasag niaging semana.

Gipasalig sa panggamhanang lokal sa Misamis Oriental ubos sa liderato ni Gobernador Bambi Emano, mandato ni Provincial Task Force for COVID-19 Chief Dr. Jerie Calingasan nga pinaagi sa PSWDO ubos sa pagdumala ni Mr. Jhunleymar Abella nga dili pasagdan ang mga naapektuhan o nabiktima sa COVID-19 ug ihatag gilayon kini taman sa makaya aron pagpakgang ang pagkaylap sa makapatay nga virus.