Hayan mapatuman na sa dili madugay ang pangandoy ni Governor Bambi Emano nga dugang kaarangan ug mapalambo ang kadalanan sa lalawigan sa Misamis Oriental pinaagi sa expressway.

Tungod kay ang Misamis Oriental usa ka gateway sa Northern Mindanao, usa ka industrial hub sa rehiyon, angayan nga makabaton ug expressway aron mas mosulod ang daghang investors lakip pa ang mga turista nga mu-explore sa MisOr hilabina ubay-ubay ang mga ikapanghambog dinhi sa lalawigan.

Gipahibalo ni Dr. Josefino Bascug, Officer-In-Charge sa Provincial Planning and Development Office (PPDO) nga naaprobahan na ang 2nd phase sa Villanueva-Opol Expressway sa National Economic Develoment Authority pinaagi sa Regional Development Council.

Kini nga proyekto orihinal nga gi-proposed ug gi-implementar sa Department of Public Works and Highways (DPWH) nga suportado kaayo sa Gobernador human kini mismo miaprobar dihang anaa pa kini unang gi-endorsar sa Provincial Development Council.

Ang probinsya usa sa recipient niini nga programa kung hain parte kini sa proyekto nga Build Build Build Program ni Presidente Rodrigo Duterte.

Mokabat sa 75 kilometro kini nga proyekto gikan sa STEAG nga bahin sa lungsod sa Villanueva paingon sa lungsod sa Naawan. Tungod kay aprobado naman kini, i-duso kini ug e-endorso na dayon ug feasibility study aron mapangitaan ug pundo.

Mutabang ang Misamis Oriental sa pag-institute niini, samtang tabang sab sa mga implementasyon sa road right of way.
Sa kadako niini nga proyekto sila sab ang morekognisar sa mga apektadong mga panimalay nga maagian sa expressway ug laumang moabot ngadto napulo ka tuig ang implementsayon niini