USA ka kanhi sakop sa walhong grupo nagpaabot sa iyang dakong pasalamat kang Governor Bambi Emano ug buhatan sa Provincial Agriculture Office (PAGRO) tungod sa dakong tabang kaniya ug natagamtaman ang programa nga Farmer’s Market.
Matud ni Jo nga kalisud ang ilang kahimtang kaniadto apan sa dihang nakita ug nahibaloan nga adunay programa ang probinsya sa Misamis Oriental, nakita gilayon nila ilang paglaum nga mahatagan kaarangan ang ilang panginabuhian.
“Dako gyud kayo ni gikatabang hilabina sa akoa, ang mga tao dinhi sa amoa kabalo ni sila unsa mi kalisud daring dapita halos mukaon rami puro saging, nya nakatuon mi ing ani nga negosyo dako kayo pasalamat namo gumikan kay particular na among balay amo nang na repair ana bitaw,” matud ni Jo.
Panahon anaa pa ang Farmer’s Market nga karon gisuspenso usa ang operasyon gumikan sa Corona Virus Disease (Covid-19) gipaabot ni Jo nga dako kaayo og tabang sa ilang panginabuhu ang maong programa.
“Dako kaayo among pasalamat kay Governor kay siya ragud kibale ang nakatabang sa akong pamilya lang, dako kayo nakatabang sa ako gumikan kay unang-una ang among panginabuhi medyo niangat gamay nya kong wala sila ang among kinabuhi sauna mao ra gihapon hangtud karon, sya gyud kibale ang tulay sa paglambo sa among kinabuhi,” mapasalamaton nga pagpaabot niini kang Governor Bambi.
Malaumon kini nga unta dili wad-on ang programa kay usa siya sa daghan nga mga mag-uuma nga natabangan gumikan sa programang gimugna mismo ni Governor Bambi alang kanila.
Sa pagkakaron bisan og temporaryong nahunong ang operasyon sa farmer’s market sa Kapitolyo Probinsyal apan gipaabot sa PAGRO nga padayon gihapon ilang pagtabang sa mga mag-uuma pinaagi sa Market Facilitation diin sila mismo ang mukuha sa mga produkto sa mga mag- uuma ug ihatod sa buyer o sa mga nag order sa produkto.
(KUHA SA MILABAY NGA TUIG)