NAGPAABOT sa iyang pahalipay si Gobernador Bambi Emano ngadto sa tanang miyembro sa Philippine Councilors League (PCL) organization tungod kay wala gayud sila masipyat o masayop sa ilang gipiling presidente sa gipahigayong piniliay ning bag-o.
Matud ni Gobernador Bambi, hilabihan ang iyang kalipay nga ang abogadong si Konsehal Michelle Anayron sa lungsod sa Sugbongcogon maoy napiling presidente sa PCL, kinsa maoy mahimong representante sa tanang konsehales sa tibuok Misamis Oriental ngadto sa hawanan sa Sangguniang Panlalawigan.
Nalipay uyamot ang gobernador, tungod kay madugangan og isa pa ka abogado ang Provincial Board dugang kang Board Member Atty. Vicente “Enteng” Pelaez.
Si Konsehal Anayron nakadawat sa makabubuhong nga suporta gikan sa PCL nga mikabat sa 171 ang botos niini batok sa iyang kaatbang kandidato nga miangkon lamagn sa 82 botos.
Ania ang kompletong listahan sa bag-ong opisyales sa PCL-Misamis Oriental nga nanumpa sa ilang pangatungdanan atubangan ni Gob. Bambi E atoll sinemanang pagpakayab sa kapitolyo- Agosto 27, 2019.

President: Atty. Michile Anayron (Sugbongcogon)
Vice President: Mercy Grace Acain (Initao)
Secretary: Sharon Baliangan (Libertad)
Treasurer:Alvin Edade (Balingasag)
Auditor: Johannes Salcedo (Jasaan)
PRO: Atty Jay Francis Bago
Business Manager: Roger Achas sa (Tagoloan)

Federation Director:
Coun. Francisco Sabuarao Jr.
Coun. Catherine Ifurong
Coun. Melchor Corrales
Coun. Allan Roa
Counc. Glenn Zambrano
Coun. Adonis Gayramon
Coun. Renie Llagas
ug Coun. Roy Aniscal

Gawas nga kauban sa partido PaDayon Pilipino ug alyansa ni Gingoog City Vice Mayor Peter “Sr. Pedro” Unabia, dugang ni Gobernador Emano, tarong ug ligdong pa gayud nga lider si umalabot ex-officio Board Member Anayron.