GIPAABOT ni Governor Bambi Emano sa katawhan sa lalawigan sa Misamis Oriental ang malinawon nga kasaulogan sa Semana Santa karong bulan sa Abril. Sa mga igsuong Katoliko nga nag obserbar niaging semana sa Miyerkulis sa badlis gipaabot niini nga mao na kini ang sinugdanan sa pagpuasa ug paglikay sa mga makadaot nga butang ug labaw sa tanan mga dautan nga gimbuhaton.

Dugang niini nga mao sab kini ang panahon nga kanunay nga gapangandam ang lalawigan hilabina nga ubay ubay nga katawhan ang gadagsa sa nagkalain laing pilgrimage site sa lalawigan. Nagpaabot og mensahe ang gobernador nga dili kalimtan ang gihimong sakripisyo sa labawng makagagahum aron maluwas ang katawhan.

“Ako nagahangyo nga sa pagsaulog sa semana santa dili nato hikalimtan ang pagbaytlo sa labaw makagagahum sa iyang kinabuhi para kita maluwas ako naghinaot sa laing tuig nga atong pagsaulog sa semana santa saulogon nato sa tukmang kahusay og kalinaw magsilbi nga taytayan sa pag kab- ot nato sa kaugmaon, kalamboan, kaarangan sa kinabuhi sa mga lumolupyo sa Misamis Oriental,” matud ni Gov Bambi.
Malaumon kini nga unta malinawon kini nga selebrasyon nga gitamod sa katawhang Romano Katoliko sa lalawigan.