WALAY hunong ang pagpaningkamot sa lalawigan sa Misamis Oriental sa liderato ni Governor Bambi Emano uban ang Provincial Task Force for Covid-19 Chairman Dr. Jerie Calingasan ug tanan mga frontliners nga dili gyud mataptan sa Corona Virus Disease ang katawhan sa lalawigan.
Apan subo lamang nga adunay pagsaka sa kaso sa Covid-19 sa lalawigan gumikan sa imported nga mga kaso ug nagtala na usab og local transmission ang lungsod sa Naawan.
Gumikan niini gipanghingusgan ni Governor Bambi nga manginlabot dili lang ang kawani sa kapitolyo apan tanan katawhan sa lalawigan nga suportahan ang mga paningkamot sa mga frontliners.
Lakip sa bout niini nga ipaabot nga tumanon ang mga pahimangno ug motuman sa mga balaod.
Tipik sa mga kamandoan nga dako og tabang sa paningkamot sa mga frontliners mao kining pagsul-ob og face masks, paghugas sa kamot o pag-gamit sa alcohol, mag tunob sa foothbath ug uban pang mga protocol nga kinahanglan sundon maluwas lang sa maong sakit.
Dugang ni Governor Bambi nga kini nga mga abiso simple lamang nga paagi aron maluwas ang kaugalingon ug makatabang sa mga frontliners.