NAGPADAYON pa gihapon sa pagpangtunol sa hinabang ngadto sa mga kanhi rebelde sa Misamis Oriental ang pamunuan ni Gov. Bambi Emano. Kini, pinaagi sa Provincial Social Welfare and Development Office (PSWDO).
Niadto lang Miyerkoles, Hunyo 24, nakadawat sa tag-P5,000 nga kantidad sa hinabang ang tulo ka rebel returnees atol sa gipahigayong hamubo nga programa sulod sa 58 Infantry Battalion camp sa Migbanday, Claveria, Misamis Oriental.
Dakung kalipay sa kanhi kaaway sa gobyerno nga gihatagan sila’g paglaum ni Gov. Emano ug 58IB Commanding Officer Lt. Col. Ricky Canatoy gamit ang pundo sa kapitolyo ug ubos sa programang enhanced comprehensive local integration program (E-CLIP) sa Department of Interior and Local Government (DILG).
Kini ang nag-unang hinungdan matud pa sa ilang pagbalik sa sabakan sa gobyerno, kung diin nahimong inspirasyon si Gov. Emano tungod sa ilang nakita nga katarong ug kaligdong sa kasamtangang namunuan sa Misamis Oriental.