Niadtong Marso 5, usa sa dagkong kalihukan ang gitambungan ni Gobernador Bambi Emano mao, ang kasaulogan sa ika 15th Araw ng Barangay Gimaylan sa lungsod sa Libertad.


Kini nga kalihukan ang gipangulohan ni Kapitan Elmer Jagonal nga nagdala sa tema: “Ang kakugi, kadasig ug respeto sa usag-usa atong maangkon ang malinawon ug malambu-on nga katilingban”. Kini nga tema ang gipalawman sa katawhan ug mga opisyales sa mao nga barangay.
Atol sa mao nga kasaulogan ubay-ubay nga mga kalihukan ang gimugna sa mao nga barangay susama sa pasundayag sa nagkaraiyang talento susama sa sayaw ug pagkanta alang sa paglingaw sa katawhan ug paghatag pasidungog sa mao nga barangay.
Sa naandan sa mao nga kasaulogan personal gayud nga gitambungan ni Gobernador Bambi Emano aron iya gayud nga mabati ug madungog ang mga hangyo ug yangungu sa katawhan sa mao nga barangay. 


Kining pagtambong ni Gobernador Bambi Emano nahimong hisgutanan ug sumsuman sa katawhan sa ilang barangay ug sa lalawigan nga sa pagpangalagad ni Gobernador Bambi Emano nga sa matag gutlo sa iyang pagpangalagad mubisita gayud siya sa 424 ka barangay nga gilangkoban sa lalawigan. (PIO MisOr/Karlo Alcordo)