CLAVERIA ‘FOOD BASKET” SA MIS.OR TALIWALA SA TAG INIT

Gikunpirmar ni Claveria Mayor Meraluna Salvaleon Abrogar nga nagpabiling food basket sa Misamis Oriental ang lungsod sa Claveria.
Matod ni Mayor Abrogar nga kini bisan pa man sa paglambo sa turismo sa ilang lungsod.
Gidugang ni Abrogar nga gisiguro sa lokal nga kagamhanan nga dili maapektuhan ang agrikultural nga kayutaan sa ilang lungsod sa paglambo sa turismo sa lungsod.
Gani padayon ang ilang lungsod paghatag sa produktong mais, sayote ug ubang lagutmon.
Kahinomduman nga priyoridad nga programa ni Governor Peter “Sr Pedro” UNabia ang agrikultura sa lalawigan.
Kini usab ang rason nganong gihatagan sa dakong pundo sa lalawigan ang agriculture sector ning tuiga.
Kini nakasubay sa PAGLAUM Development Agenda sa Gobernador sa letrang A kun Agriculture Development for Poverty Eradication.

By: Ellen Mae Lahinao/PIO