Gitagum Tobacco and Cattle Farmers Forum

Miduyog kita sa gipahigayon nga Gitagum Tobacco and Cattle Farmers Forum kung asa gipasigarbo sa mga mag-uuma sa Gitagum ang ilang mga produktong agrikultura nga atong gihungusgan isip direksyon sa atong panggobyerno sa probinsya.
Nakighimamat kita sa mga mag-uuma nga nagdisplay sa ilang mga produkto sa mga klasi-klasing booth. Sa samang paagi, nagpahigayon sab kita og pagkonsulta sa mga nangulo sa nagkadaiyang asosasyon ug kooperatiba sa mga mag-uuma sa matag barangay kung asa nila gipaabot ang ilang mga kalambuan, mga hagit ug mga panginahanglan aron masmapalambo pa ang sektor sa agrikultura para kanila ug sa tibuok probinsya sa Misamis Oriental.