EL SALVADOR CITY MAYOR, SALUDO SA ‘ADOPT A BARANGAY PROGRAM’ SA GOBERNADOR

SALUDO si El Salvador City Mayor Edgar Lignes sa ‘Adopt a Barangay Program’ (ABP) ni Governor Peter “Sr. Pedro” M. Unabia.
Matod ni Mayor Lignes dakog tabang ang maong programa sa mga kabarangayan ning lalawigan.Gidugang ni Lignes dako iyang kalipay nga napili ang Barangay Taytay sa El Salvador City isip beneficiary sa maong programa.
Kahinumdoman, nagpahigayon ang Provincial Tourism Office sa groundbreaking ceremony sa Barangay Taytay alang sa pagatukoron nga ground water tank nga gipangunahan nila Provincial Tourism Council Co-chair Erlinda Unabia ug Provincial Tourism Officer Atty. Jeffrey Saclot.
Ang ABP usa sa mga nag unang programa sa gobernador diin gitahasan ang mga departamento sa Kapitolyo Probinsyal nga mobisita sa mga kabarangayan aron sutaon ang mga proyekto nga angayan sa ilang lugar.
Kabahin kini nga kalamboan sa PAGLAUM development agenda sa gobernador nga nakalatid sa letrang “M” kon Mobilization of Resources Thru Equitable Sharing.

By: Nefilim Diaz/PIO

Hulagway kuha ni: Arnulfo Saniel Jr/PIO