GIDAYEG ni Manticao Municipal Mayor Hon. Stephen Tan si Governor Peter Unabia human mibisita ug nakig-usa kini kanila kauban si Congressman Bambi Emano atol sa Flag Raising Ceremony sa nasangpit nga lungsod.
Sa iyang mensahe, gipahayag ni Mayor Tan ang iyang dakong pagsaludo sa gobernador tungod sa nakita niini nga kakugi ug kadasig sa pagserbisyo.
Gitinguha ni Mayor Tan ang walay puas nga suporta sa gobernador alang sa kalamboan sa iyang lungsod.
Ang pagbisita sa gobernador sa Manticao agig pagtuman sa iyang saad panahon sa kampaniya nga bisitahon ang mga kalungsoran aron kunsoltahon ang katawhan sa ilang panginahanglan.
By: Jane Salimbao/PIO
Manticao Mayor Hon. Stephen Tan nagpasalamat kay Gobernador Peter M. Unabia pinaagi sa usa ka mensahe tungod sa pagduyog niini sa nahitabong flag raising sa ilang munisipyo.
Gobernador Peter M. Unabia ug si Vice-Governor Jigjag Pelaez nagkahiusa alang sa kalamposan sa Serbisyong PAGLAUM sa MisOr nga nahitabo sa Manticao.
Manticao Mayor Stephen Tan atol sa iyang mensahe pag-abi-abi sa mga halangdong bisita nga mitunol kanila sa Serbisyong PAGLAUM ubos sa liderato ni Gobernador Peter Unabia.
