Mainitong giabi-abi ni Gobernador Bambi Emano ang mga kadagkuan sa Bureau of Fire Protection (BFP) sa rehiyon 10 sa iyang buhatan sa kapitolyo probinsyal, Enero 14, 2015. Sa nasangpit nga panaghimamat, gipadayag ni Gobernador Bambi Emano ang iyang mga tumong ug tinguha sa pagpalambo sa programang turismo sa lalawigan sa Misamis Oriental ug usa ang BFP sa mga ahensya nga gituohan sa gobernador nga makaabag kaniya hilabi na sa natad sa Fire Prevention pinaagi sa tukmang safety measures sa mga panimalay ug gambalay aron sa pagmintinar sa kahusay ug kalinaw sa lalawigan sa Misamis Oriental.