GATAMBAY lamang kaniadto apan tungod sa programa ni Governor Bambi Emano nga mao kining Iskolar ko ni Bambi nahatagan og dakong kahigayon si Nonemark Ayudtud nga makab-ot iyang pangandoy nga makatapos sa vocational course nga mao ang Slaughtering Operation NC II.
Gisaysay ni Nonemark kinsa lumad nga taga Lugait nga dili sayon ang iyang mga kasinatian niadtong wala pa siya nanarbaho ug dili pa iskolar tungod kay gatambay lamang siya apan dihang iyang nakita ang programa ni Gov. Bambi nga mao kining IKNB gisulayan niya nga moaplay sa scholarship.
Sa walay paglangan deretso siyang nadawat niini ug nahimong usa ka iskolar. Sa pagkakaron nagtrabaho na isip regular nga Head Butcher si Nonemark sa Montery nga nadestino diha sa Palana Grocers.
Tungod sa iyang pagpaningkamot aduna kini advice sa mga batan-on karon.
“Ako lang ika-advise sa tanan batan-on nga ayaw mo kawad-a og paglaom panahon sa kalisod nga walay kwarta atong ginikanan nga ikapaeskwela kay naa si Gov. Bambi nga andam motabang, kon makita lamang nga naningkamot kita ug desidido sa atong kaugalingon. I ampo nato kanunay sa Ginoo nga makab-ot atong gipangandoy.” matud niini.
Abiso sab niini sa mga uban iskolar ni Gov. Bambi nga mahimong kumpiyansa sa kaugalingon ug gamiton ang natun-an, dili mahadlok sa pagpanarbaho ug magtinarong ug ampingan ang talagsaon nga kahigayon nga makapahimulos isip usa ka iskolar sa Gobernador.
Tungod sab sa iyang nakab-ot dili masukod iyang kalipay ug labihan ang pasalamat ni Nonemark kang Governor Bambi Emano.
“Salamat kaayo Governor nga tungod nimo nakatabang ko karon sa akong igsuon ug sa akong pamilya. Sa tanan nga gihatag nimo sa mga estudyante nga kabus we are hoping ug kabalo mi nga matabangan pa nimo ug masuportahan ang mga tinun-an nga kabus.” panapos nga pahayag niini.
Mao ra sab sa gikumot ang dughan ni Gov. Bambi dihang nabati ang dakong pasalamat ni Nonemark ngadto kaniya.
“Lipay kay ko Mark nga nakatibawas ka sa imong pagtoun ug nakatabang ka sa imong pamilya. Sa imong kaugalingon nga pagpaningkamot. Nalipay ko, kami pamilya sa Misamis Oriental nga nahimong tipik sa imong kalamposan.” matud ni Gov. Bambi ug miingon nga puhon sa umaabot nga panahon daghan pa ang iskolar nga molampos susama niini ug makatrabaho sab susama niini tungod kay maayo kini og performance sa gitrabahoan ug mas dugang pangempleyo ang mahatag ngadto sa mga iskolar.

“Akong i-ampo nga duyog sa imong pamilya nga unta magmalampuson ka sa tanan, Soon to have your own business. Maayo unta ikaw ang mahimong inspirasyon sa mga IKNB sa Mis Or.” paabot pa ni Gov. Bambi ngadto kang Nonemark.
Giawhag sab niini si Nonemark nga dili maulaw sa pagpangayo og tabang sa probinsya.
“Kung naa mi matabang kanimo puhon ayaw pagmakuli kay atong buhatan motabang dili lang kutob sa imong pagtoun apan human pa niini. ” panapos ni Gov. Bambi. PR/PIO