MALAMPUSONG naangkon ni Miss Kuyamis 2020 Isobel June Teaño ang gold sa Miss Philippines Earth 2020 cultural attire competition atol sa ilang virtual cultural attire presentation niadtong Hunyo 24, 2020.
Proud nga girampa sa Misamis Oriental bet ang Kuyamis-inspired costume nga gama ni Jie-jie Aisa, samtang naangkon sa Negros Occidental ang silver, og Filipino-Melbourne born ang bronze.
Malipayong nagpaabot si Gov. Bambi Emano sa kalamposan sa dalaga nga tubong Opol, Misamis Oriental.
Bisan si Provincial Tourism Officer Atty. Jeffrey Saclot hilabihan nga kalipay sa nakab-ot ni Isobel. Gani, gipistahan sa social media ang post sa abogado nga nagpakita sa first journey ni Isobel sa Miss Philippines Earth 2020.