LAIN na usab nga pribadong kompanya ang nadugang sa listahan sa Transparency Donation Board sa kapitolyo human ang Jejor’s Construction Corporation nagdonar og P100,000 cash ngadto sa kapitolyo probinsiyal sa Misamis Oriental ning bag-o.
Malipayon kining gidawat ni Gov. Bambi Emano gikan kang Jejor’s owner Mr. Jerry Tiu sa katuyoan nga matubag pa ang panginahanglanon sa frontliners sa lalawigan ning padayong pagbatok sa coronavirus disease 2019 (COVID-19).
Bisan si Provincial Task Force for COVID-19 chief Dr. Jerie Calingasan nalipay kaayo sa donasyon hilabina nagkinahanglan pa sila og dugang nga personal protective equipment (PPE), face mask, face shield, ug uban pang nag-unang panginahanglanon sa frontliners sa ospital ug checkpoints.