GIPAABOT ni Misamis Oriental Governor Bambi Emano ngadto ni Department of Transportation Secretary Atty. Arthur Tugade ug ingon man ngadto sa mga local opisyal sa dakbayan sa Cagayan de Oro nga mitambong sa paglusad sa Public Utility Vehicle Modernization program, nga ang kalamboan sa Misamis Oriental, kalamboan usab sa dakbayan sa Cagayan de Oro.

Matud sa gobernador, ang pag-implementar sa programang modernisasyon sa tanang de pasaherong salakyan, partikularmente ang jeepney, dakung tabang sa pagtaas sa kinitaan sa matag tsuper, samtang makatabang usab kini sa pagkunhod sa problema sa trapeko nga hangtud karon dili pa masulbad sa lokal nga pangagamhanan sa dakbayan sa Cagayan de Oro.

“We hope that the reorganization of the operators we will be able to at least help ease the traffic that we are now experiencing in the city of Cagayan de Oro.

Because as I have said time and again the development of Cagayan is the development of Misamis Oriental, the development of Misamis Oriental is the development of Cagayan de Oro and vice versa. We are here because we want to support the program of LTFRB RD Allan Guro. Friends, ladies and gentleman, when I speak, it has never been Bambi Emano speaking. When I speak it has always been the 23 towns the two cities and the 424 barangays thanking you,” panapos ni Gobernador Bambi.

Sa tanang programa ni Gobernador Bambi Emano alang sa paghatag kaharuhay ug hayahay nga kahimtang sa katawhan dinhi sa Misamis Oriental, dili mawala sa hunahuna niini nga kinahanglan kadtong gipasagdan ug napasagdan sa kasamtangang administrasyon sa dakbayan sa Cagayan de Oro, maka-benepisyo usab sa iyang mga proyekto ug programa, susama sa edukasyon, kapangitaan, kooperatiba, agrikultura, kinaiyahan, turismo, transportasyon, ug kahusay ug kalinaw.