WALAY kompiyansa, gipaubos sa intensive sanitation ang tibuok kapitolyo sugod niadtong Lunes, Marso 16, 2020. Hangtud sa pinakasuok nga kurdiso sa matag buhatan, gipasiritan sa alcohol ug tubig nga adunay sagul chlorine.

Suot ang full protective gear, untop alas 5:00 sa hapon dayon pamauli sa mga empleyado, gisugdan gilayon sa mga kawani ang pag-sanitize sa tibuok kapitolyo, subay na usab sa mando ni Gobernador Bambi Emano ngadto sa tanang ulo sa departamento. Lakang sa kasamtangang pamunuan aron malikay sa posibleng pagtakboy ug pagkatap sa sakit nga dala sa coronavirus disease 2019 (COVID-19).

Wala nay gitugotan nga mag-overtime sa ilang trabaho, matag alas 5:00 sa hapon, siradhan gilayon ang tibuok kapitolyo. Ang mahibilin na lamang ang mga kawani sa Capitol Park administrator, Provincial General Services Office (PGSO) ug Provincial Engineering Office (PEO).

Dili man ugaling 100 porsiyento nga makab-ot ang kalimpyo sa tibuok kapitolyo, apan matud ni Gobernador Bambi Emano, epektibo kini nga lakang aron dili kagaw ang kahadlokan kon dili ang tawo nga maoy angay mag-kontrolar sa pagkatag niini.