PADAYON sa pahimangno ug paghangyo si Provincial Task Force Chief Dr. Jerie Calingasan ngadto sa katawhan sa lalawigan sa Misamis Oriental nga likayan usa ang pagbiyahe kon dili importante ang mga lakaw.

Mensahe niini atol sa ika 26th virtual flag raising ceremony sa Kapitolyo Probinsyal adlaw nga Lunes, Oktubre 5, 2020 iyang gipaabot ang iyang pahimangno nga likayan ang pagbiyahe sa mga lugar nga adunay taas nga kaso sa Corona Virus Disease (Covid-19).

“May you be conscious enough not to travel to highly endemic infectious serious of Covid-19 if possible just to rumored out as this might be you greatest regret,” pahimangno ni Dr. Calingasan ug midugang nga basin unya sa pagpauli makadala sa virus ug makatakod pa sa sakop sa pamilya.

Pabilin sab nga mapasalamaton si Chief Calingasan sa mga doctor o mga chief of hospitals sa walo ka balay tambalan sa Misamis Oriental (MOPH) lakip mga medical staff og personnel tungod sa ilang maabtikon nga pagpangandam sa ilang hospitals sa pagpakigbatok sa Covid-19.