Temporaryong nahikalimtan ug gipadaplin sa makadyot sa mga empleyado sa kapitolyo ang ilang problema ug trabaho aron mosulong sa mas bug-at nga problema—ang paghurot sa 25 ka lechon nga halad ni Gobernador Bambi Emano ug hog raisers sa Misamis Oriental atol sa sinemanang Farmers Market niadtong Oktubre 18, 2019.
Malipayong nagpaabot si Gobernador Bambi Emano ngadto sa tanang miduyog sa iyang gamay’ng halad, hilabina sa iyang nakit-an nga tanang nanarbaho sa kapitolyo—Job Order status man, casual ug regular, nahikalimtan ang ilang tagsa-tagsa ka posisyon, inay nagpakita sa ilang panaghiusa nga mapalanog sa tibuok Pilipinas nga luwas ang Misamis Oriental sa African Swine Fever kon ASF.