Mibisita sa Kapitolyo Probinsyal si Korean ambassador, His Excellency Han Dong-Man. Sa ngalan ni Gob. Bambi Emano, maoy mi-abiabi kaniya sila si Provincial Administrator Atty. Joy Lood-Mateo, Provincial Tourism Officer Atty. Jeffrey Saclot, PPDO Head Stanley Uriarte, DILG Provincial Director Edward Bhagwani ug Governor’s Chief of staff Ms. Jace Rodas. Ang nahimong hisgutanan nakasentro sa hangyo sa maong ambassador nga unta magpadayon ang maayong relasyon sa Korea ug sa liderato sa Misamis Oriental ug ipadayon unta sa Kagamhanan, kapulisan ug kasundaluhan ang pagmintinir sa kahusay ug kalinaw hilabi na aron maka engganyo sa dugang Korean investors ug mga turista. Mitambong usab sila si Mr. Dean Kim (Owner, Lohas Hotel & Restaurant), PSupt Kenette Labor Balisang (OIC of PD Rolando Destura) ug si LtC Roy Anthony Derilo (Commanding Officer58IB 4th ID PA).