USA ka pakigpulong sa mga nagkadaiyang kompanya gikan sa nasud sa China sa lokal nga panggamhanan sa lalawigan sa Misamis Oriental karong adlaw nga Martes, Mayo 29, 2018, pagpahayag sa ilang intensiyon nga mobubo’g negosyo dinhi sa lalawigan.

Kauban sa pakigpulong sila si Mr. Stanley Uriarte sa Provincial Planning and Development Office (PPDO) sa Misamis Oriental; Mr. Zheng Feng Quan, Mr. Chen Xiang Ling, Mr. Zhang Dong Jian, Mr. Xie Ling Qing, nga gikan sa kompanya’ng Fujian San Jia Steel Limited; Mr. Xu Wen Jun, Mr. Spencer Wu, nga gikan sa kompanya’ng Xin Yuan Enterprises Group; Mr. Charlie Wei Co sa Hongkong Xintai (China) Investment Corporation; ug Mr. Ling Sing Yun nga gikan sa Wah Yang International Limited.
Sa pagsugod sa maong pakigpulong, naghatag una si Mr. Uriarte sa economic background sa lalawigan hilabina sa mga potential business endeavors sa mga investors. Didto gipahayag ni Mr. Uriarte nga ang Misamis Oriental potential kung hisgotan ang negosyo sa turismo, electricity stability ug daghan pang uban.

Gipakita usab ang mga klase-klase nga mga programa sa Industrial ug Agricultural productions sa lalawigan sa Misamis Oriental sama sa Non-food Crops program nga naglangkob sa Abaca, Cacao, Coconut, Coffee, Rubber, Tobacco nga miabot na sa kinientos traynta mil tres sientos sitentay siete (530,377) Metric Tons na ang produksyon. Sa Vegetables and root crops program nga naglangkob sa Cabbage, Camote, Cassava, Eggplant, Mongo, Peanut, Tomato nga miabot na sa siento nubentay sais kinientos kwarenta punto otso (196,540.8) Metric Tons ang priduksyon. Sa fruit crops nga naglangkob sa Banana, Calamansi, Mango, Pineapple nga miabot na sa kwatro sientos onse mil sais syentos baynte singko punto kwatro (411, 625.4) Metric Tons ang produksyon.

Sa laing bahin kung hisgutan ang Livestock and Poultry statistics nga naglangkob sa Carabao, Cattle, Goat, Swine, Chicken nga mi total sa baynte otso milyones tres sientos baynte uno siento baynte kwatro (28,321,124) ug para sa Fish Production nga naglangkob sa Commercial, Municipal, Aquaculture nga mi total sa baynte mil tres sientos nubentay sais (20,396) Metric Tons.

Daku ang pagtuo ni Mr. Uriarte nga mobubo gayud sa ilang negosyo ang mga nasangpit nga kapitalista.

Gikalipay usab kini ni Gobernador Bambi Emano hilabina kung hisgotan ang dugang oportunidad niadtong walay trabaho nga makaangkon ug kapangitaan.