Si Gob. Bambi Emano, Provincial Administrator Atty. Joy Lood-Mateo uban ni Cagayan de Oro City Councilor Atty. Leon Gan maoy nangulo sa mainitong pag-abiabi sa pagbisita dinhi sa Misamis Oriental sa laing grupo sa Chinese Investors nga gikan sa Kwandong, China. Ang maong mga magpapatigayon nagplanong magtukod og planta sa puthaw ug semento sa lalawigan. Mitambong usab si PHIVIDEC Administrator ug CEO Franklin Quijano aron paghatag dugang katin-awan sa mga patakaran ug kaayuhan kung mahinayon ang pagtukod sa maong mga planta sa mga yuta nga gipanag-iyahan sa maong korporasyon. Kahinumduman nga sa miaging tuig usab una ng mibisita sa lalawigan ang usa ka grupo sa Chinese investors nga nagplanong magtukod og dakong Steel Plant nga magkinahanglan matud pa sa 50,000 ka mga trabahante. Kini dako na unya og tabang sa mga skilled workers sa Misamis Oriental ug lakip na ang kasikbit nga mga dapit. Lakip usab sa mitambong sila si TESDA MisOr Provincial Director Leo Velez ug si DTI Prov. Dir. Ma. Eliza Pabillore lakip na ang pipila ka mga Department Heads sa Kapitolyo Probinsyal.