Si Lobertson Duayao na karon ang bag-ong Singing Ambassador sa Misamis Oriental, human masungkit ang kadaugan sa Search for Misamis Oriental Singing Ambassador 2019 atol sa culmination event sa Tourism Week niadtong Setyembre 20, 2019, sa Ayala Centrio Mall, dakbayan sa Cagayan de Oro.

Tubong Lugait si Duayao, kinsa nakabitbit pagpauli sa cash prize nga P15,000 ug plake. Si Andrea Villa, gikan sa Libertad, nakasungkit sa ikaduhang pwesto ug nakadawat sa P10,000 cash award ug plake. Samtang si Marjolyn Tigon taga Magsaysay, maoy 3rd placer nga nakadawat og P7,000 cash ug plake Wala mamauli nga luhaan ang ubang contestants tungod kay nakadawat gihapon sila sa tag-P3,000 isip consolation prize ug certificate.

Ang panel of judges naglangkob nila ni Mr. Ralph Ramos, Lawrence Bersaldo ug Maria Liezel Garcia, kinsa maoy ilang chairwoman nga mikanta pa sa iyang “Gisingin ang Puso”.

Malipayong nagpaabot sa iyang pahalipay ngadto kang Lobertson Duayao si Gobernador Bambi Emano, ug naglaum nga gamiton niini ang iyang abilidad ug talento alang sa pagpalambo sa iyang kaugalingon aron mapaila sa tibuok Pilipinas ug tibuok kalibotan kon unsa ka bag-angan ang mga molupyo sa lalawigan.