HUMAN makadawat sa Tilapia fingerlings ang Bal-ason Higaonon People’s Organization sa Bal-ason, Gingoog City, Misamis Oriental, bahug na usab kon Tilapia feeds ang ilang naangkon gikan sa Provincial Agriculture Office.
Ang nasangpit nga grupo adunay 125 ka miyembro nga malipayon kaayo sa hinabang gikan sa pamunuan ni Gov. Bambi Emano pinaagi sa PAGRO alang sa ilang Tilapia fishpond project.
“Daghang salamat gyud bisan tuod kami naa sa pinakaubos nga hut-ong sa katilingban nakit-an mi sa gobyerno ug natagaan me dinhi sa tabang para sa katawhan,” malipayong sulti ni Datu Rolly Gasahan ang Indigenous People’s representative sa nasangpit nga organisasyon.
Bilib pud kaayo si Gingoog City NCIP community development officer Kenjie Baduco sa pamunuan ni Gov. Emano human kini makaangkon sa parehas kang PAGRO chief Jose Apollo Pacamalan sa hinanali nga tubag sa ilang hangyo aron matabangan sa panginabuhian ang lumad.