GI-TURNOVER na sa Department of Agricluture – Region 10 ang seed cold storage facility nga nahimutang sa Lumbia, Cagayan de Oro, ngadto sa pangagamhanang lokal sa Misamis Oriental, Mayo 14, 2020.
Pinaagi sa virtual turnover ceremony, malipayong gidawat sa kapitolyo probinsiyal, pinaagi ni Gov. Bambi Emano, ang maong pasilidad nga maggamit alang sa mga mag-uuma dili lang sa probinsya, kon dili lakip na sa nasangpit nga dakbayan.
Mitambong sa maong okasyon sila si DA-10 Regional Director Carlene Collado, DA-10 Regional Technical Director Carlota Madriaga, Provincial Operations Center Chief Nilda Salas, Corn Program Focal Person Richan Lacanaria; Brgy. Lumbia Kagawad Roger Butlig Chairman sa Committee on Agriculture; ug Board Member Erick Khu, ang Chairman sa Committee on Agriculture sa Sangguniang Panlalawigan.
Sila na usab ang nagsilbing saksi sa pagpirma ni Gov. Emano sa certificate of acceptance sa balor P9,999,749.17 nga proyekto nga magsilbing warehouse sa mga binhi ug liso samtang dili pa modangat ang tingtanom, aron dili madaut ug dili na hinuon mapuslan.