GIKALIPAY sa mga residente sa Calaanan Brgy. Canitoan, Cag. de Oro, ang nadawat sa mga mag-uuma nga hinabang gikan sa Misamis Oriental pinaagi sa Provincial Agriculture Office.
Matud pa ni Ronald Canoy, molupyo sa Calaanan, nagkanayon nga nangayo kini og hinabang sa PAGRO. Malipayon kini tungod kay bisan dili taga MisOr apan gi-ayudahan gihapon siya sa sa libreng binhi sa lubi ug pinakbet seeds.
Dugang niini, dakung tabang kini kanila nga nag-uma, hilabina ning panahon sa krisis.
“Dako kaayo ko ug pasalamat sa suporta ni Governor Bambi Emano sa panginahanglanon sa among mga tao sa Calaanan, dako na kaayo ikatabang sa among pamilya, wala mi kabalo sa unsay mahitabo tungod sa COVID pero nangandam mi daan. Dako kaayo among pasalamat kang Governor Bambi Emano,” sulti pa ni Canoy.
Ang ayuda sa PAGRO ngadto sa mag-uuma maoy hugot nga kamanduan Ni Gov. Bambi Emano ngadto kang Provincial Agriculturist Mr. Jose Apollo Pacamalan aron masustenir ang taas nga demand sa pagkaon.