DILI matukib ang kalipay sa mga opisyales hilabi na ang mga miyembro sa Gingoog Market Vendors and Stall Holders Association (GMVSHA) sa dakbayan sa Gingoog, kung diin personal nga gitunol ni Gobernador Bambi Emano ang dokumento alang sa ekipo nga usa ka unit nga generator set 75 kVA (kilo-volt ampere) diesel nga dugay na nila gihanduraw, nga mikantidad ug balor usa ka milyones ka pesos (P1, 000, 000.00). Kini gipahigayon atol sa ilang christmas party sa Manuel Lugod gym, adlaw nga Miyerkules, Disyembre 5, 2018, Gingoog City, Misamis Oriental.

Daku kaayo kini ug ikatabang hilabi na kon ugaling adunay power interruption nga mahitabo, dili na sila mabalaka ug maglisud tungod sa maong ekipo nga gitunol sa ilang asosayon, mapadayon gihapon ilang gimbuhaton sulod sa merkadohan partikuyalermenti sa ilang matag usa ka panginabuhian.

Ilang maangkon ang maong generator set gikan sa buhatan sa Provincial General Services Office sa dili pa mu abot ang adlaw sa pasko.