GIDAYEG uyamot ni United Arab Emirates (UAE) Ambassador to the Philippines, His Excellency Hamad Saeed Al-Zaabi, ang Misamis Oriental tungod sa kalamboan nga iyang nakita ug nasinati sa iyang pagbisita sa lalawigan ning bag-o.

Wala damha ni Ambassador Al-Zaabi nga susama sa dakbayan sa Davao, ingon usab ka pas-pas ang paglambo sa Misamis Oriental ubos sa pamunuan ni Gobernador Bambi Emano.

Dinhi ang ambahador mibisita alang sa nagkadaiyang lakaw, lakip na ang iyang pagbisita sa Marawi City ug nag-apod apod sa kinilo nga karne sa baka atol sa silibrasyon sa Eidl Adha kon Feast of Sacrifice.

Nagtuo si Ambassador Al-Zaabi nga dinhi sa Mindanao, ang Davao region lamang ang progresibo kung hisgotan ang negosyo ug uban pang kalamboan. Apan nakurat kini sa iyang nasaksihang paspas nga pag-asenso sa Misamis Oriental bisan tuod lakip kini sa Mindanao.

Malipayon pang gibisita sa opisyal ang nagkadaiyang tourism destinations sa lalawigan kauban si Atty. Iris Virtudez sa Provincial Administrator’s Office sa kapitolyo.

Matud ni Gobernador Bambi Emano, malaumon kini nga tumanon ni Ambassador Al-Zaabi ang iyang saad nga ibaligya ang nagkadaiyang hiyas sa Misamis Oriental ngadto sa iyang lugar, hilabina sa mga emarate sa United Arab Emirates, aron ilang malakip sa listahan ang lalawigan sa ilang bisitahang tourists sites dinhi sa Mindanao.

Wala damha ni UAE Ambassador to the Philippines Hamad Saeed Al-Zaabi nga susama sa dakbayan sa Davao, ingon usab ka pas-pas ang paglambo sa Misamis Oriental ubos sa pamunuan ni Gobernador Bambi Emano.
Mao kini ang iyang nasaksikan sa iyang pag-bisita dinhi sa lalawigan ning bag-o.
Ug pagalauman nga tumanon ni Ambassador Al-Zaabi ang iyang saad ngadto kay Gob. Bambi Emano ug sa tanang katawhan nga ibaligya niini ang nagkadaiyang hiyas sa Misamis Oriental ngadto sa iyang lugar, hilabina sa mga emarate sa United Arab Emirates, aron ilang malakip sa listahan ang lalawigan sa ilang bisitahang tourist sites dinhi sa Mindanao.

LANTAWA: Highlights sa nahitabong pag-bisita sa UAE Ambassador to the Philippines Hamad Saeed Al-Zaabi sa Misamis Oriental

Sa iyang ikaduhang adlaw sa pag-bisita dinhi sa lalawigan- Agosto 10, 2019, milarga kini padulong sa Marawi City ug sa Malabang, Lanao del Sur kung asa gitagbo ang ambahador sa usa ka Cultural Showcase sa taga-MSU, dayon mibisita ug nanghatag kini ug mga sinina ngadto sa mga kabatan-onan ug katigulangan sa may Sagonsongan Village, Marawi City ug miadto usab sa Mosque nga iyang gitabangan nga matukod nga nahimutang sa lugar sa Malabang, Lanao del Sur.

LANTAWA: Highlights sa Ikatulo ug Ikaupat nga adlaw sa pag-bisita sa UAE Ambassador to the Philippines Hamad Saeed Al-Zaabi sa Misamis Oriental

Mahinungdanon kaayo ang ikatulo- Agosto 11, ug ikaupat nga adlaw- Agosto 12, ning tuig sa pag-bisita sa UAE Ambassador kung asa miduyog kini sa Eidl Adha (Feast of Sacrifice) kauban ang mga kaigsuonang Muslim sa Marawi City, Lanao del Sur nga nag-apod-apod pa sa mga karneng baka ngadto sa tanan niadtong higayona. Ug wala niini gipalabay ang oportunidad nga maadtoan ang ang Ground Zero area sa Marawi City.

Sa laing bahin, ayha mubalik sa UAE misuroy pa si UAE Ambassador to the Philippines Al-Zaabi sa Agutayan White Islan sa Jasaan, MisOr. Ug mipahigayon ug usa ka Courtesy Call si Gob. Bambi Emano kauban ang ambahador. Tungod niini, pagalauman nga ubay-ubay nga negosyo ang matukod dinhi sa Misamis Oriental sa mga umalabot adlaw human misaad ang ambahador nga iyang ipaila ang lalawigan ug ang tibuok Mindanao sa iyang nasud alang sa pagbubo ug mga puhunan.