Isip usa ka Cooperative Friendly Province of Mindanao, ang Misamis Oriental sa pagpangulo ni Gobernador Bambi Emano hilabihan ang dedikasyon sa pagpagpaugmad sa industriya sa kooperatiba alang sa ekonomikanhong tinugusbawan nga ang matag indibidwal makabenipisyo pa’g ayo.

BALIKAN NATO ā€“
mao kini ang highlights sa malampusong pag-selebrar sa BULAN SA KOOPERATIBA 2019 pinanguluhan sa Kagamhang Probinsyal sa Misamis Oriental kauban ang nagkadaiyang mga kooperatiba sa tibuok lalawigan, niadtong Oktubre 29, 2019. Niining higayona gitampohan kini sa usa ka “Lechon Festival” ug adunay Temang: “Kanimo nagagikan ang among dugang kalamboan”.
Mipatigbabaw ang hilabihang kalipay sa tanang nakigduyog sa Raffle Draws, Lechon Display, Parlor Games, Cultural Dance Competition. Ug samot pa nahimong mahinungdanon ang okasyon sa pagsaksi sa Financial Assistance Turn-over sa duha ka bulahang Kooperatiba nga mismo ang Gobernador ang mitunol kanila.