Gibisita sa Provincial Environment and Natural Resources (PENRO) ang 17 ka ektaryang mangrove development project nga nahimutang sa Molugan, El Salvador City, Misamis Oriental.
Tuyo sa kalihukan nga mapalanog pag-usab ang panawagan kon unsa ka importante ang pagpanalipod sa kinaiyahan.
Hilabihan kalipay ni PENRO head Engr. Prisco Valmoria dayong pasalamat ngadto sa tanang residente sa lugar tungod sa ilang suporta nga mapreserba gayud ang nasangpit nga kahoy isip kapuy-an ug itlogan sa mga isda.
Matud ni kapitan Arnold Macarandan, daku’g gikatabang ang nasangpit nga proyekto sa mga molupyo sa lugar hilabina sa paghapak sa bisang unsang matang sa katalagman ug mga dagkong balud sa dagat.
Nakitaan usab kini og potential sa mga opisyales sa maong barangay diin sa umalabot nga panahon mamahimo kining isa sa mga tourist attraction sa dakbayan sa El Salvador.