PABOR ang kadaghanan nga ipaubos sa community quarantine ang tibuok lalawigan sa Misamis Oriental sa pwersadong pagbatok sa coronavirus disease 2019 (COVID-19). Apan, daghan pang angay tamdon sa pagpatuman niini.

Sa gipahigayong COVID-19 Provincial Coordinative Meeting niadtong Huebes, Marso 19, 2020, sa kapitolyo, nga gipangulohan ni Gobernador Bambi Emano, kauban ang representante gikan sa Department of Interior and Local Government (DILG), League of Municipalities of the Philippines-MisOr chapter, Vice Mayors League of the Philippines (VMLP-MisOr), Association of Barangay Captains (ABC-MisOr), Sangguniang Kabataan (SK-MisOr), Philippine National Police (PNP-MisOr), Gingoog Vice Mayor Peter Unabia, ug Sangguniang Panlalawigan (SP) pinaagi ni committee on health chairman Board Member Nancy Madjos, ug co-chairman niining si Board Member Boboy Sabal; ug Board Member Dexter Yasay isi chairman sa committee on transportation ug ways and means, nagkauyon sa community quarantine sa panlimbasog nga dili gayud mataptan sa makamatay nga virus ang katawhan sa lalawigan.

Tanan sila pabor niini, apan kinahanglan matud pa nga masunod gayud ang tanang kalagdaan o guidelines sa pagpatuman niini. Sama nalang sa pagconsidera kung unsaon pagpasulod ang goods and services sa lalawigan. Dugang sa Gobernador, kinahanglan tun-an una ang rules of engagement aron mahimung organisado ug tunhay ang implementasyon niini.