LAKIP sa gipangandaman ni Gov. Bambi Emano ug Dr. Jerie Calingasan, ang chairperson sa Provincial Task Force for COVID-19, ang testing capacity sa Misamis Oriental alang sa umalabot nga pagpahigayon sa mass testing sa tanang persons under monitoring (PUM) ug persons under investigation (PUI) sa coronavirus disease 2019. Niadtong Biernes, Mayo 15, 2020, gipahigayon na sa Provincial Training Center sa kapitolyo ang orientation unsaon paggamit ang rapid diagnostic test (RDT) alang sa COVID-19 antibody detection.
Didto ang mga medical technologists gikan sa municipal health offices sa kalungsuran gikan Lugait hangtud Magsaysay, lakip ang El Salvador City ug Gingoog City.
Lakip sa gitun-an ang specimen collection, test procedures, laboratory measures ug waste disposal. Bisan kon unsa ang insakto nga pagsuot sa personal protective equipment (PPE) gi-highlight usab sa nasangpit nga okasyon.
Sa ilang pagpamauli, lakip gipadala sa Provincial Health Office (PHO) ngadto kanila ang RDT kits ug micro lancet aron ma-stock sa ilang tagsa-tagsa ka municipal health offices.